Jose Mourinho beson se Zlatan Ibrahimovic do të kthehet të luajë në vitin 2017, pasi tashmë e ka kaluar lëndimin.

Portugezi madje tha se suedezi është një luan, një luftëtar i vërtetë.

“Ibrahimovic është një luan, një luftëtar. Mendoj se ky është përshkrimi më i mirë për të. Ai është i frustruar gjatë tërë kohës dhe kjo është arsyeja pse ai është shumë afër rikthimit”, tha Mourinho për Sky Sports.

“Ashtu siç kemi pritur, ai ka reduktuar kohën e kthimit dhe siç kemi thënë në javët e fundit, ai do të kthehet në vitin 2017”.

Ibrahimovic në fund të sezonit të kaluar kishte këputur ligamentin e gjurit në ndeshjen ndaj Anderlechtit në gjysmëfinale të Europa Leagues. /Express