Ish lojtari i Corinthians dhe Tottenham ishte blerje befasuese e katalanëve gjatë verës së kaluar, transmeton Express.

Sipas brazilianit, transferimi i tij në Barcelonë ishte diskutuar për herë të parë gjatë ndeshjes miqësore mes gjigantëve të Amerikës Jugore.

“Ishte në miqësore në Australi. Ishte një goditje dënimi dhe unë e Willian po qëndronim pranë topit. Unë vetëm po qëndroja aty sepse Willian do të gjuante. Messi ndodhej larg. Kur Willian gjuajti, unë u zmbrapsa dhe Messi m’u afrua dhe më tha ‘Eja të shkojmë në Barcelonë’. E dëgjova dhe i thashë ‘Nëse dëshiron të më marrësh atje, do të vij’. Ai është lojtari më i mirë në botë dhe kur e dëgjon të ta thotë këtë gjë, të bën të lumtur, të bën të ndihesh me vetëbesim”, ka shpjeguar Paulinho për Globoesporte.