Sulmuesi i Barcelonës, Neymar, thotë se klubi i tij kishte disa probleme megjithatë ato kanë marrë fund pas fitores 3 me 1 ndaj Atletico Madridit.

Nga klubi katalun gjatë javës u larguan drejtori sportiv, Andoni Zubizarretan, dhe zëvendësi i tij Carles Puyol, para se të përhapeshin fjalët se Lionel Messi dhe Luis Enrique kanë probleme me njëri tjetrin.

Por, problemet kanë përfunduar, thotë Neymar, një prej golashënuesve në fitoren ndaj kampionit.

“Problemet tona kanë përfunduar. Ishte fitore e rëndësishme. Skuadra bëri më të mirën dhe jam shumë i lumtur me rezultatin. Tani duhet mbajmë fokusin në fushë. Nuk ka më probleme, krejt i takon të kaluarës dhe jemi të gjithë bashkë sërish”, ka thënë Neymar pas ndeshjes /telegrafi/