Sulmuesi i Paris Saint-Germainit, Edinson Cavani thotë se nuk është i interesuar që të bëhet një legjendë pas arritjes së 100 golave në ligën franceze me fanellën e klubit parisien, transmeton zeri.info

Reprezentuesi uruguaian realizoi dy gola në fitoren e skuadrës së tij 5:0 kundër Angersit për të arritur shifrën e 100 golave, por thotë se motivohet nga pasioni, e jo nga rekordet.

“Provoj që të jap gjithçka për skuadrën time. Kështu është futbolli. Sot jemi këtu, por më pas nuk i dihet”, deklaroi Cavani.

“Jap maksimumin. Nëse gjërat shkojnë mirë, jam i lumtur për veten, për skuadrën, për klubin, për tifozët. Por, nuk luaj për të qenë legjendë. Luaj për kënaqësinë dhe pasionin që e kam si futbollist”, shtoi 30-vjeçari./Zëri