Një nga duelet më interesante të këtij fundviti do të zhvillohet këtë fundjavë në boksin botëror. Wilder, që tashmë ka nisur luftë mediatike me kampionin e botës, Athony Joshua, këtë vikend do të përballet me Stiverne, shkruan Gazeta Express.

Kampioni aktual në WBC, Deontay Wilder, do të luftojë për mbrojtjen e titullit të tij ndaj Bermane Stiverne në “Barclays Center” në New York.

Stiverne dhe Wilder janë përballur edhe më herët, dhe e veçanta e këtij dueli është pikërisht fakti se Wilder e ka mposhtur Stivernen me gjyqtarë, që është e vetmja ndeshje në karrierë që ai nuk e ka fituar me nokaut.

Më poshtë mund t’i shikoni momentet më të mira të përballjes mes Wilder vs Stiverne, para meçit të radhës mes tyre që zhvillohet sonte pas mesnate, 02:00. /Gazeta Express/