Fernando Torres do të debutojë për Atletico Madridin në derbin kundër Real Madridit, edhe atë si startues.

Trajneri Diego Simeone ka konfirmuar se në ndeshjen e të mërkurës në kuadër të Kupës së Mbretit, spanjolli do të luajë nga minuta e parë, njofton Telegrafi.

“Nesër (e mërkurë), Torres do të startojë. Cilësitë e tij futbollistike janë ato që na nevojiten”.

“Ai është përshtatur mirë. Jam i lumtur me ardhjen e tij”, u ka thënë Simeone gazetarëve.

30-vjeçari është kthyer te klubi nga ku u largua në vitin 2007, ndërsa do të qëndrojë në Vicente Calderon në formë huazimi deri në fund të sezonit. /Telegrafi/