Argjentina rrezikon që mos të kualifikohet në Botërorin “Rusia 2018”. Argjentinasit duhet të fiutojnë ndaj Ekuadorit nëse duan të shkojnë në Rusi.

Trajneri i Argjentinës, Jorge Sampaoli ka thënë se do të jetë i gëzuar edhe në rast se shënon një fitore të pamerituar.

“Me këtë rast, do të jem i lumtur nëse ekipi do të fitojë edhe nëse nuk e meriton”, ka deklaruar Sampaoli.

Ai pretë që edhe pjesa tjetër e ekipit të angazhohet sikurse ylli i Barcelonës, Lionel Messi, përcjell Express.

“Në këto tri ndeshje, unë udhëhoqa një Messi të pabesueshëm dhe të angazhuar. Nëse jemi në nivelin e Messit, ndeshja do të shkojë shumë mirë”, ka theksuar ai.

“Unë shpresoj se kualifikimi do të arrihet, sepse, përtej numrave, Argjentina e meriton këtë.”, ka theksuar ish trajneri Sevillas. /Express/