Besar Halimi nuk është duke u stërvitur me pjesën tjetër të skuadrës.
Në stërvitjen që po zhvillohet në “Loro Borici” talenti i ri i Kosovës, Besar Halimi, është duke u stërvitur i veçuar nga pjesa tjetër e skuadrës, shkruan Gazeta Express.
Afër lojtarit ishte edhe trajneri i Kosovës, Albert Bunjaki, për t’u konsultuar për gjendjen e tij në hollësi.
Megjithatë, fjalën e fundit do ta kenë mjekët nëse duhet të luajë nesër apo nuk duhet rrezikuar me inkuadrimin e 22 vjeçarit.
Halimi, që po shkëlqen me Brondby, nëse nuk luan nesër – pritet të jetë plotësisht i gatshëm për ndeshjen me Islandën (9 tetor). /Gazeta Express/
