Borussia Dortmund mbetet rivali më i madh i Bayern Munchut në Bundesliga, thotë ish-trajneri i të dyja klubeve, Ottmar Hitzfeld.

Skuadra e trajnerit Jurgen Klopp është në vendin e parafundit të tabelës me 15 pikë nga 16 ndeshje. Por ish-trajneri i Zvicrës mendon se këto probleme janë të përkohshme dhe se ata do të rikthehen dhe do të vazhdojnë të jenë rivali më serioz për Bavarezët.

“Klopp ende është i ri, ai do ta kalojë këtë rënie aktuale”, ka thënë Hitzfeld për mediat gjermane, transmeton Telegrafi.

“Ata do të rikuperohen duke ruajtur qetësinë dhe duke marrë përgjegjësinë. Më e rëndësishme është që lojtarët janë besnik ndaj Klopp”.

“Shkëlqimi është një biletë për ta për te ekipet ndërkombëtare. Dortmund mbetet kundërshtari më kërcënues për Bayernin në vitet e ardhshme”, ka shtuar ai. /Telegrafi/