Laurent Blanc ka refuzuar të përfshihet në lojërat psikologjike pasi skuadra e tij Paris Saint-Germain u caktua të përballet me Chelsean në Ligën e Kampionëve.

Mourinho qysh para shortit tha se ai do të dëshironte të caktohet përballë PSG, por Blanc mendon se portugezi e ka ditur se ata janë një kundërshtar i mundshëm dhe se ka vendosur të dalë me një kuotë për të nisur lojën psikologjike qysh tani.

“A e fitoi Mourinho betejën psikologjie? Nëse ai e fiton një pikë, është sepse ai luan lojën. Unë nuk do të bëj ‘lojëra mendjeje’ me Jose”.

“Ne e njohim atë. E njohim atë shumë mirë. Media e pëlqen këtë, ju i pëlqeni kuotat e tij. Kaq. Ai është i fuqishëm në këtë aspekt, por jo vetëm në këtë”.

“Ai e ka bërë matematikën, siç e kemi bërë ne, dhe ai i di ekipet ndaj të cilave mund të përballej. Ai e di se PSG ishte një prej tyre dhe ka menduar: ‘Do të dal me një kuotë të vogël’”, ka deklaruar Blanc./Telegrafi/