Alvaro Morata ka filluar ta gjejë vetën te klubi i ri, Chelsea. Ai shënoi gol edhe në ndeshjen e fundit të “Bluve të Londrës”, në fitoren 2:1 ndaj Leicester City.

Morata shënoi me kokë dhe Eden Hazard në formë shakaje ka thënë se është koha që spanjolli tani të shënojë gola edhe me këmbë.

“Ashtu siç e patë, ai është lojtar i shkëlqyer. Kam parë shumë të shënojë gola me kokë, tani duhet të shënojë me këmbë”, u shpreh Hazard duke bërë shaka.

“Ai është lojtar klasi. Mund të shënojë në çdo moment. Kur shënon, ne fitojmë ndeshjen, kështu që kjo është e mirë”, shtoi Hazard. /Gazeta Express/