Përzgjedhësi i Xhamajkës, Winfried Schafer, mendon se Manuel Neuer e meriton Topin e Artë më shumë se dy kandidatët tjerë.

Portieri i Bayern Munichut konkurron me Lionel Messin dhe Cristiano Ronaldon, ndërsa ky i fundit është favorit për ta përsëritur triumfin nga viti i kaluar.

Sidoqoftë, trajneri gjerman mendon se Neuer është njeriu që e meriton më së shumti këtë trofe, falë suksesit në Kampionatin Botëror.

“Manuel Neuer është favoriti im kryesor për Topin e Artë, kjo është e qartë. Ai ishte 30 për qind e arsyes pse Gjermania e fitoi Kupën e Botës”.

“Ronaldo nuk fitoi asgjë në Kampionatin Botëror, ku Portugalia nuk ishte një ekip i mirë”.

“Neuer nuk ishte më i miri vetëm në Kampionatin Botëror, por edhe në Ligën e Kampionëve dhe në Bundesliga. Vetëm në ndeshjen ndaj Real Madridit, ai vuajti”, ka deklaruar Schafer për Goal.

Ceremonia e ndarjes së Topit të Artë do të zhvillohet më 12 janar në Cyrih të Zvicrës. /Telegrafi/