Kryetari i AAK-së në Lipjan, Fitim Selimi ka uruar nxënsit me rastin e fillimit të vitit të ri shkollor.

Ky është urimi:

Të dashur nxënës, të nderuar mësimdhënës, urime viti i ri shkollor.

Arsimimi i shoqërisë është baza e një shteti të fortë. Mësuesit dhe nxënësit e Kosovës, nuk janë dorëzuar asnjëherë në kërkim të dijes dhe arsimimit, as në kohën e paraluftës kur rrezikoheshim në bankat shkollore, as në kohën e luftës kur në kushte jashtëzakonisht të vështira nëpër shtëpi-shkolla e nëpër male, të vendosur ruanim gjuhën e librat shqip.

Mësimdhënësit tanë meritojnë trajtim adekuat dhe kushte më të mira pune, nxënësit tanë meritojnë hapësirë dhe kushte më të mira mësimi e konkretizimi.