Zlatan Ibrahimovic do të jetë lojtar i Manchester United për të paktën edhe një vit.
Suedezi 35-vjeçar ka nënshkruar marrëveshje njëvjeçare në “Old Trafford”, siç edhe pritej në disa javët e fundit, transmeton Express.
Ish-kapiteni i kombëtares suedeze ka shënuar 28 gola në sezonin debutues për United, por sezoni 2016/17 përfundoi para kohe për të pas një lëndimi të rëndë që e pësoi në gju gjatë një ndeshjeje të Evropa Ligë kundër Anderlecht në prill.
Si pasojë, United e la Ibrahimovicin lojtar të lirë në fund kontratës së tij, teksa ai po e merrte veten nga lëndimi./Express/
