Kapiteni i Barcelonës, Andres Iniesta ende është i pavendosur rreth të ardhme. Ai ka kontratë me klubin vetëm deri në fund të sezonit, kurse deri më tani nuk ka zhvilluar asnjë bisedë me drejtuesit e klubit për vazhdimin e bashkëpunimit.

Sipas të përditshmes sportive madrilene, AS, Iniesta mund të largohet nga Barcelona, nëse këta të fundit e transferojnë mesfushorin e Nices, Jean Seri, përcjell Express.

Interesim për Iniestan kanë shfaqur ekipet si: Inter, Mancheste City, Al Sadd, ku luan edhe Xavi, dhe klube nga Amerika.

Iniesta gjatë javës së kaluar ka treguar se është i pavendosur rreth të ardhmes, derisa nuk e ka përjashtuar mundësin e largimin nga Barcelona. /Express/