Kosova u zgjodh anëtare me drejta të plota në Komitetit Olimpik Ndërkombëtar (IOC). Kjo u vendos në kongresin e mbajtur sot në Monako.

Kosova do të jetë në gjendje të marrë pjesë në Lojërat Olimpike në Rio de Janeiro, të cilat do të zhvillohen në vitin 2016, njofton IOC.

IOC ka filluar shqyrtimin e aplikacionit për pranim e Kosovës në këtë organizatë pesë vite më parë, transmeton Telegrafi.

Kosova është njohur nga 108 vende anëtare të OKB-së, dhe kjo ia ka lehtësuar pranimin në këtë organizatë. /Telegrafi./