Mbappe është një ndër emrat më të përfolur këtë verë, i cili kërkohet nga shumë skuadra Evropiane, përshirë këtu edhe PSG-në.

Real Madrid, Manchester City dhe Barcelona gjithashtu interesohen për Mbappen, por PSG-ja vazhdon të jetë në kontakte me francezin, pavarësisht se kanë shpenzuar 222 milionë euro për Neymarin.

Kur u pyet për transferimin e mundshëm të Mbappes në PSG, trajneri, Unai Emery, tha se flas për qëllimet e klubit.

“Nuk e di çfarë do të ndodhë në të ardhmen”, tha ai. “Por Mbappe aktualisht është lojtar i Monacos”.

“Unë flas vetëm për lojtarët që kam këtu. Kemi shumë lojtarë, po, por gjithçka po shkon mirë në këtë afat kalimtar”, shtoi trajneri PSG-së. /Gazeta Express/