Drejtuesit e Barcelonës kanë ndërruar mendje, ata duan që të nisin negociatat me PSG për Neymar, në vend që skuadra franceze të paguajë klauzolën prej 222 milionë eurove, shkruan Mundo Deportivo.

Kjo shihet si opsion më i mirë për të dy skuadrat, ku PSG-së do t’i duhej të paguante deri në 300 milionë euro, çka nuk do të ndodhte nëse transferimi do të ndodhte ndryshe.

Po ashtu, Barcelona do të kishte mundësi që si pjesë të marrëveshjes t’ia merrte ndonjë lojtar PSG-së, Angel Di Marian ose Julian Draxler.

Për më shumë, Barcelona dëshiron ta shfrytëzojë këtë mundësi që të vendosë një klauzolë në kontratën e Neymarit, e cila do të parandalonte transferimin e tij në Real Madrid. /Express/