Manchester City po i bën përpjekjet e fundit për ta transferuar Alexis Sanchezin
Alexis Sanchez do t’i bashkohet Arsenalit në stërvitje të dielën, por ende nuk e ka qartësuar të ardhmen.
Kurse, Manchester City po i bën përpjekjet e fundit për ta transferuar Alexis Sanchezin, i cili ka kontratë me Arsenalin vetëm edhe një vit.
Sipas tabloidit britanik, Daily Mail, ekipi i Pep Guardioas i ka ofruar një pagë të majme kilianit, përcjell Express.
Thuhet se Manchester City i ka ofruar ish anëtarit të Barcelonës një pagë prej 320 mijë funte në javë (357 mijë euro) ose mbi 17 milionë euro në sezon.
Arsenali është i vendosur që Sanchezin mos t’ia shes Manchester Cityt. Por, deri me 1 shtator mund të ndodh gjithçka. /Express/
