Sipas mediave italiane, Arlind Ajeti tashmë mund të konsiderohet lojtari i ri i skuadrës së Crotones, e cila në sezonin e ri do të garoj në Serie A.

Pasditen e djeshme është mësuar se drejtuesit e Torinos dhe Crotones kanë arritur akordin përfundimtar në lidhje me mbrojtësin e Kombëtares shqiptare.

Mediat italiane bëjnë me dije se është rënë dakord për gjithçka dhe se shifra e transferimit të Ajetit nga Torino në Crotone do të jetë 600 mijë euro.

Ajeti u transferua sezonin e kaluar në Torino, si lojtar i lirë, por nuk arriti që të zë vend në formacionin e trajnerit serb, Sinisa Mihajlovic. /Express/