Casemiro, mesfushori brazilian, mendon se Real Madridit nuk i dihet asgjë transferimi i yllit të Monacos, Kylian Mbappe
Mesfushori i Real Madridit, Casemiro është kundër transferimit të Kylian Mbappens nga Monaco.
Braziliani mendon se ylli i Monacos nuk i duhet Los Blancos, pasi këta të fundit kanë super sulmues në skuadër si: Cristiano Ronaldo, Gareth Bale e Karim Benzema.
“Ne jemi të vetëdijshëm se ai është një lojtar i madh, por ne kemi këtu BBC-në (Balen, Benzeman dhe Cristianon), të cilët mund të bëjnë kërdi të vërtetë”, ka deklaruar Casemiro.
“Sa më shumë lojtarë që kemi, aq më mirë është për ne. Por unë po them që lojtarët më të mirë janë tashmë këtu”, ka theksuar ai.
“Ne kemi lojtarin më të mirë në botë këtu Ronaldon, pastaj Balen, i cili po punon shumë dhe Benzmean, i cili ka cilësi të shkëlqyeshme, pastaj vijnë Isco, Borja”, ka përfunduar ai.
Marca, të martën, ka raportuar se Real Madridi dhe Monaco kanë arritur marrëveshje për transferimin e Mbappes në ‘Santiago Bernabeu’ për 180 milionë euro. /Express/
