Postimi i Kenedyt në rrjetet sociale mund ta përjashtojë Chelsean nga Kina, mëson Goal.
Brazilian është duke u kritikuar për videon e postuar në rrjetet sociale në parasezon me Chelsean.
Në Kinë janë duke konsideruar si racizëm veprimin e Kenedy, në videon e postuar në rrjetet sociale, derisa fotografoi edhe policinë duke fjetur.
Tani një burim për Goal ka konfirmuar se autoritetet kanë kërkuar nga mediat kineze “të heqin çdo shkrim që ka të bëjë me Chelsean në faqet e tyre apo edhe aplikacionet”.
Ky burim ka thënë për Goal se e gjithë kjo mund të shkojë në përjashtimin e Chelseat nga International Champions Cup dhe se momentalisht janë duke hetuar situatën më hollësisht.
Kenedy ka kërkuar falje menjëherë. /Express/
