Liverpool është një nga skuadrat që i janë ofruar shërbimet e James Rodriguez
E ardhmja e James Rodriguezit është larg Real Madridit. Mesfushori kolumbian nuk bën pjesë në planet e trajnerit Zinedine Zidane për sezonin e ri.
Kjo ka bërë që agjenti i tij Jorge Mendez t’ua ofrojë shërbimet e James disa skuadrave të mëdha evropiane si Manchester United, Inter Milan, Juventus, Manchester City dhe PSG.
Në mesin e këtyre skuadrave është edhe Liverpool i Jurgen Klopp, shkruan Sport.
Çmimi i James është 75 milionë euro, shumë kjo e vendosur nga kampioni i Spanjës dhe Evropës, Real Madrid.
Përveç James, Reali gjatë kësaj vere do të shes edhe dy lojtarë të tjerë, Alvaro Morata dhe Danilo, ndërsa tashmë janë larguar Pepe dhe Coentrao. /Express/
