Paris Saint Germain do të shpenzojë 240 milionë euro gjatë verës, Kylian Mbappe është objektivi kryesor.
Paris Saint-Germain është duke u përgatitur që të shpenzojë së paku 240 milionë euro në transferime gjatë verës.
Talenti i Monacos, Kylian Mbappe dhe ai i Milanit, Gianluigi Donnarumma, janë prioritetet kryesor të francezëve, raporton Sport, transmeton Gazeta Express.
Sipas kësaj të përditshme, skuadra nga Ligue 1 do të ofrojë 135 milionë euro për Mbappen dhe 39 milionë për portierin e Milanit, Donnarumma.
Gjithashtu në listën e PSG-së janë edhe Fabinho, për të cilin kanë bërë gati 42 milionë euro, si dhe mbrojtësi i Borussia Dortmund, Raphael Guerrerro, për të cilin PSG-ja fillimisht do të ofrojë 23 milionë euro.
Synimi i PSG-së është Liga e Kampionëve, andaj numri një i klubit, Nasser Al-Khelaifi, ka vendosur seriozisht të hap arkat për të bërë një merkato të fuqishme. /Gazeta Express/
