Trepça ’89 sonte do të shkruajë histori në futbollin kosovar për klube, kur të takohet me skuadrën nga Ishujt Faroe, Vikingur në kualifikimet për Ligën e Kampionëve
Mitrovicasit sonte nuk do të paraqiten me fanellat e para me ngjyrë të verdhë, por me fanellat e dyta, të cilat janë me ngjyrë të bardhë.
Lajmi është konfirmuar nga faqja zyrtare e KF Trepçës ’89.
“Zyrtarizohen edhe fanellat për ndeshjen e sontme. Ekipi ynë do të paraqitet me fanella me ngjyrë të bardhë. Gjithashtu edhe zyrtarisht valon flamuri Shtetëror i Kosovës në një eveniment. Suksese”, shkruhet në faqen e Trepçës ’89.
Ndeshja ndërmjet Vikingur dhe Trepçës ’89 do të zhvillohet nga ora 20:00. /Express/
