Anëtari i Kryesisë së Aleancës për Ardhmërinë e Kosovës, Ahmet Isufi, ka thënë se kryetarët e degëve të AAK-së i kanë dhënë mbështetje të plotë liderit të tyre, Ramush Haradinajt, që ai të jetë i nominuari nga partitë e bllokut për kryeministër.
Ai ka shtuar se marrëveshja e 10 qershorit nuk mund të jetë peng i veprimeve të njëanshme të cilit do subjekt politik që është pjesë e koalicionit.
I pyetur se a do të shkojë AAK-ja në koalicion me PDK-në, në rast të prishjes së marrëveshjes së bllokut, ai tha se nuk dëshiron të paragjykojë rezultatin.
“Ne nuk duam që të paragjykojmë sepse mendojmë që ky koalicion duhet ta ndryshojë gjendjen në Kosovë, prandaj duam ende të besojmë që koalicioni duhet ta krijojë qeverinë e re”, ka thënë Isufi./Gazeta Blic/