Sadiku ende nuk ka vendosur për të ardhmen
Sulmuesi i Kombëtares shqiptare, Armando Sadiku, ka bërë të ditur se ende nuk ka vendosur për të ardhmen.
Dëshira e sulmuesit shqiptar është që të vazhdojë karrierën jashtë kampionatit zviceran, duke mos treguar destinacionin e mundshëm.
“Kam bërë një sezon shumë të mirë me Luganon, por nuk e di se ku do të jetë e ardhmja ime”, tha fillimisht Sadiku.
“Jam në pronësi të Cyrih dhe kam edhe 1 vit kontratë me këtë skuadër. Të përfundoj ndeshjen me kombëtaren dhe pastaj të shoh se ku do ta vazhdoj karrierën, do të jem te Lugano, do të kthehem te Zyrihu apo do të shkoj në një skuadër tjetër”, shtoi ai.
“Objektivi im është të largohem nga kampionati zviceran sepse kam 6 sezone që luaj aty”, përfundoi sulmuesi i Kombëtares. /Gazeta Express/
