Ricardo Rodriguez është shprehur tejet i lumtur pas transferimit në Milan.
Milani nuk di të ndalet. Pas Mateo Musacchio dhe Franck Kessie, ka transferuar edhe mbrojtësin e Wolsburgut, Ricardo Rodriguez
Rodriguez ka nën shkruar kontratë katër vjeçare me Milanin, që do ta mbajë atë në “San Siro” deri në vitin 2021 me Milanin.
Besohet se kartoni i 24 vjeçarit i ka kushtuar 18 milionë euro italianëve, përcjell Gazeta Express.
“Dua të falënderoj Wolfsburgun, gjithë tifozët, shokët e skuadrës dhe gjithë të tjerët për vitet e paharrueshme në Gjermani”, tha Rodriguez.
“Është koha që të bëj një hap më shumë në karrierë. Milani është klub i madh dhe sfidë e madhe për mua”, shtoi ai.
“U jam mirënjohës gjithë atyre në Wolfsburg që ma mundësuan këtë sfidë të re”, shtoi Rodriguez.
“Përshëndetje tifozë, jam shumë i lumtur për transferimin tim në Milan dhe mezi po pres të luaj. Shpresoj të bëj mirë që të jem i lumtur dhe t’i bëj edhe tifozët e lumtur. Shpresoj të bëjmë një sezon të mirë”, përfundoi Ricardo. /Express/
