Braziliani Willian nuk është i lumtur në Chelsea, pasi ka humbur vendin e titullarit me Pedron, i cili pëlqehet më shumë nga trajneri Antonio Conte.

Kjo ka bërë që shumë skuadra të interesohen për shërbimet e tij, në mesin e të cilave edhe Bayern Munich, shkruan Abendzeitung.

Carlo Ancelotti beson se sulmi duhet forcuar dhe është i bindur se Willian do t’i përshtatej shumë mirë ekipit të tij.

Por, problem mund të jetë çmimi i lartë i lojtarit, i cili skuadrës gjermane mund t’i kushtonte 50 milionë euro.

Në rast se realizohet ky transferim, atëherë Willian do të bëhej futbollisti më i shtrenjtë në histori të Bayernit. /Express/