Së fundmi, mediat kanë raportuar se Boateng mund të kërkojë një skuadër të re, pas një sezoni zhgënjyes me Bayernin, por 28-vjeçari i ka hedhur poshtë shkrimet në media duke insistuar se nuk largohet nga “Allianz Arena”, transmeton Express.

“Plani im i vetëm është që të qëndrojë këtu në Bayern”, ka thënë Boateng për Sport Bild.

“Vetëm pak klube në botë e kanë të njëjtin reputacion dhe traditë si Bayern. Nuk kam luajtur aq shpesh sa kam dashur, prandaj është normale që nuk jam i lumtur. Por, tani do ta përdor pushimin për t’u përgatitur 100% për sezonin e ardhshëm”, ka shtuar ai.

Kontrata e Boateng me Bayern skadon në qershor të vitit 2021. /Express/