Trajneri i Manchester United, Jose Mourinho, e ka pranuar se kampioni i Europa League nuk do ta transferojë yllin e Monacos, Bernardo Silvan.
Gjithsesi, Mou e ka lënë të hapur mundësi për transferimin e tij një ditë, transmeton Express.
United ishte lidhur me një transferim të mundshëm të mesfushorit portugez, i cili kërkohet nga shumë klube pas performancave mbresëlënëse me Monacon, duke e fituar ligën franceze.
“Nuk ma merr mendja. Sinqerisht, mendoj se jo,” ka thënë Mourinho për Sport TV kur u pyet për transferimin e Silva.
“Ama, kurrë nuk i dihet. Lojtarët e mirë janë gjithmonë të mirëseardhur,” ka shtuar ai.
