Deputetët që kanë dalë nga zgjedhjet e 8 qershorit nuk rrezikohen t’i humbin mandatet e tyre edhe nëse nuk shkojnë në Kuvendin e Kosovës për gjashtë muaj radhazi, pasi që gjendja aktuale politike konsiderohet “sui generis” për të cilët ligjvënësit nuk mbajnë përgjegjësi.
Ata, po ashtu, vazhdojnë t’i marrin pagat e tyre pa asnjë shqetësim, derisa të merret një vendim për konstituimin e Kuvendit apo për shkuarjen në zgjedhje të reja.
Sipas Rregullores së Kuvendit, deputeti e humb mandatin vetëm nëse nuk merr pjesë në seanca plenare apo komisione parlamentare për gjashtë muaj radhazi. /zeri/
