Arsene Wenger ka thënë se pas finales së FA Cup ndaj Chelseat do të tregojë të ardhmen e tij
Trajneri francez, Arsene Wenger ka kontratë me Arsenalin deri në fund të këtij edicioni dhe është e paqartë e ardhmja e tij.
Vet trajneri gjatë konferencës për media, ka treguar se kur do të vendoset për fatin e tij, nëse do të qëndroj apo do të largohet.
“Gjëja më e rëndësishme është që të fokusohemi për ndeshjen e fundit të Premierligës. Gjërat tjera kanë më pak rëndësi. Unë jam këtu për t’i shërbyer skuadrës dhe mënyra më e mirë është duke fituar ndeshjen e fundit”, u shpreh Wenger.
“Mendoj se pas ndeshjes finale të FA Cup çdo gjë do të finalizohet”.
Kujtojmë se finalja e FA Cup ndërmjet Arsenalit dhe Chelseat do të zhvillohet me 27 maj në Wembley të Londrës. /Express/
