Pescara e Ledian Memushaj, sezonin e ardhshëm do të garojë në Serie B.

Pas humbjes me Bolognan, mesfushori I Kombëtares shqiptare u ka kërkuar falje të gjithëve që klubi do të bjerë në Serie B.

I pyetur nëse kjo do ta shtyjë atë të largohet gjatë verës, Memushaj insistoi se dëshiron të qëndrojë – por tha se së pari duhet shikuar kushtet.

“Kemi dhënë maksimumin, duam t’i kërkojmë falje të gjithëve”, tha fillimisht Memushaj për “Pescarasport24.it”.

“Gabimi më i madh? Nuk është vetëm një. Është faji i të gjithëve ky sezon, kemi dështuar të gjithë së bashku”, shtoi shqiptari.

“Unë do të qëndroj, por duhet të shikojmë se si janë kushtet”, ka theksuar Memushaj. /Express/