Sipas të përditshmes sportive madrilene, AS, Vinícius Júnior ka kaluar me sukses testet mjekësorë te Real Madridit.

Në fakt, Los Blancos kanë dërguar një mjekë në Rio de Janeiro për t’i bërë ekzaminimet mjekësorë sulmuesit të skuadrës braziliane, Flamengo.

Mjeku i ka dhënë dritën e gjelbër Real Madridit që të nënshkruaj me yllin e ri të Brazilit, përcjell Express.

Sipas AS, Reali gjatë këtyre ditëve pritet të finalizoj marrëveshjen me Flamengon për  17 vjeçarin. Thuhet se Reali di t’i paguaj klubit brazilian 45 milionë euro për Viníciusin.

Por, Vinícius nuk do të arrijë në Santiago Bernabeu deri në vitin 2018. Reali nuk dëshiron të rrezikoj që ta transferoj lojtarin gjatë këtij viti pasi mund të dënohen nga FIFA për transferim të lojtarëve të mitur. /Express/