Lajmi është konfirmuar nga presidenti i Lyonit, Jean-Michel Aulas.

Ai ka thënë se sulmuesi francez ka kohë që kërkohet nga Atletico Madridi, megjithëse në Francë shpresojnë se Lacazette do të vazhdojë të qëndrojë në Lyon.

“Kemi biseduar për dy vite me radhë me Atletico Madridin për Alexandre Lacazette”, tha fillimisht Aulas.

“Ndoshta Alexandre dëshiron të qëndrojë. Nuk kemi folur për këtë ende. Do të takohem me të sot dhe do të mësoj më shumë”, shtoi ai.

“Atletico nuk është klubi i vetëm që interesohet për të. Gjatë verës kemi refuzuar ofertë prej 40 milionë eurove. Do të bëjmë gjithçka që ta mbajmë. Që ai të largohet, ofertat duhet të jenë të mëdha”, theksoi mes tjerash numri një i klubit francez. /Express/