Hekurudha që i dha jetë dhe e cila paraqet simbolin e qytetit të Ferizajt, paraqet rrezikun më të madh për jetën e qytetarëve, thuhet në një reagim të INPO-s.

“Rasti i fundit i aksidentit në fshatin Varosh, tregon qartë që autoritetet komunale nuk kanë bërë asnjë veprim për të vendosur masa sinjalizuese dhe mbrojtëse, në mënyrë që të parandalohen aksidentet dhe paraqet burimin e aksidenteve më të shpeshta”.

INPO thekson se të gjithë kryetarët e Ferizajt kanë premtuar ndërhyrje dhe projekte me të cilat do të zgjidhej ky problem.

“Arsyetimet për mungesë të fondeve për të dhënë zgjidhje paraqesin fshehjen e mungesës së seriozitetit në qasjen ndaj këtij problemi”.

Si masë emergjente, INPO kërkon nga Komuna e Ferizajt së bashku me Hekurudhat e Kosovës të vendosin masa sinjalizuese dhe mbrojtëse në vendkalimin e automjeteve dhe të njerëzve në fshatin Varosh.  /rtklive/