Tetë muaj pritje për një ekzaminim me rezonancë magnetike

PUBLIKUAR

Minimumi tetë muaj duhet pritur në Qendrën Klinike Universitare të Kosovës për të kryer një rezonancë magnetike.

Kjo për shkak të kërkesave të mëdha për t’u ekzaminuar me aparaturën e vetme që e ka në posedim sistemi publik shëndetësor, raporton rtklive.com.

Drejtoresha e Klinikës së Radiologjisë, Serbeze Muçaj ka thënë për rtklive.com se radhët e pritjes janë të gjata për rastet jo emergjente.

Kjo, sipas saj, për shkakun se Shërbimi Klinik Spitalor Universitar i Kosovës ka vetëm një rezonancë magnetike dhe kërkesat për ekzaminime me këtë aparaturë janë të mëdha.

Gjatë një dite, sipas Kabashi- Muçajt aty ekzaminohen prej 35 deri në 40 pacientë.

Rezonanca, sipas saj, punon në dy turne, mirëpo kërkesat janë të mëdha.

Drejtoresha Kabashi-Muçaj thotë se rastet emergjente kryhen derisa pacientët e hospitalizuar iu caktohen termine për rezonancë gjatë ditëve të javës.

Deputeti Nehat Baftiu, ish drejtor i Mjekimit Intensiv në QKUK ka thënë për rtklive.com se blerja e një aparature të rezonancës magnetike është domosdoshmëri, duke pas parasysh kërkesat.

Ai ka thënë se këtë çështje do ta ngris edhe në një nga seancat e Kuvendit të Kosovës, në mënyrë që pacientët të mund të kryejnë këtë shërbim në sektorin publik.

Ndryshe, një ekzaminim me rezonancë magnetike në klinikat private kushton rreth 200 euro, kurse çmimi është edhe më i lartë nëse ajo kryhet me kontrast dhe duke iu nënshtruar anestezionit.

Curr Gjocaj, drejtor i SHSKUK-së ka thënë se nevoja për një rezonancë magnetike është imediate. Ai ka thënë se Qeveria ka miratuar në parim një buxhet për blerjen e aparaturave në bazë të kërkesave të radiologjisë.

Gjocaj ka thënë se në përgjithësi problem sa i përket aparaturave mjekësore vazhdon të jetë vjetërsia e tyre.

SHIKO MË SHUMË

Policia e Kosovës rikujton: Nga 15 nëntori deri më 15 mars, pajisjet dimërore janë të obligueshme

Policia e Kosovës u ka rikujtuar shoferëve se nga 15 nëntori deri më 15...

Fadil Fazliu dënohet me 12 muaj burgim, por e ka shlyer me paraburgim

Fadil Fazliu është dënuar me 12 muaj burgim në rastin kundër administrimit të drejtësisë. Meqenëse...

Hashim Thaçi dënohet me 17 muaj për pengim të drejtësisë

Ish-presidenti Hashim Thaçi është dënuar me 17 muaj burgim  për vepra që lidhen me...