FIFA e ka gjobitur Federatën e Futbollit të Shqipërisë me 100.500 dollarë për sjellje të pahijshme të tifozëve gjatë ndeshjes kualifikuese për Kupën e Botës kundër Italisë.
Ndeshja mes Italisë dhe Shqipërisë u ndërpre për nëntë minuta muajin e kaluar në Palermo, pasi që tifozët shqiptarë hodhën fishekzjarrë në fushë, transmeton Express.
Shqipëria është gjobitur plot katër herë në pesë ndeshjet kualifikuese të Kupës së Botës “Rusia 2018”.
Ndërsa Italia, e cila e fitoi këtë lojë me rezultat 2-0, u gjobit me 15.075 dollarë./Express/
