Vetëvendosje fsheh përplasjet e Shpend Ahmetit me Albin Kurtin (VIDEO)

PUBLIKUAR

Lëvizja Vetëvendosje e ka prerë intervistën e Shpend Ahmetit të dhënë në emisionin Interaktiv në KTV, duke hequr nga ajo të gjitha pjesët ku Ahmeti shpreh kundërshtim me idetë dhe fjalimin e Albin Kurtit të lexuar në Kuvendin e Kosovës.

Albin Kurti këtë javë përmes një fjalimi në Kuvendin e Kosovës, goditi kompaninë Devolli, në jahtin e të cilëve kryetari i Prishtinës, Shpend Ahmeti u kap në Budva. Ahmeti në një intervistë në Interaktiv, tha se fjalimi i Kurtit nuk ishte i drejtuar kundër tij, dhe në pjesë të caktuara shprehu kundërshtime me idetë e ish liderit të VV’së. Por, VV është kujdesur që të heq një pjesë të madhe të fjalëve të Ahmetit, kur e ka shpërndarë atë në faqen e partisë në Facebook, transmeton gazetametro.net.

Intervista për rreth një orëshe e Ahmetit në Interaktiv është prerë në vetëm 13 minuta, kur është shpërndarë në faqen e Vetëvendosjes.

Nga intervista janë hequr pjesët, ku Ahmeti shpreh kundërshtime me ish liderin e VV’së Albin Kurti.

Për dallim nga VV, Ahmeti e ka shpërndarë intervistën të plotë në profilin e tij në Facebook, dhe këtë e ka bërë, rreth tri orë pasi subjekti i tij politik i ka prerë këtë intervistë.


Aty nuk është lënë pjesa ku Ahmeti thotë se ai nuk është mysafir në te Albin Kurti në Vetëvendosje, dhe lëvizja nuk është veç e Kurtit, por e të gjithëve që janë pjesë e saj.

Gjithashtu, është larguar edhe pjesa ku Ahmeti nuk pajtohet me Kurtin sa i përket programit ekonomik rreth bizneseve. Ahmeti aty kishte thënë se nuk pajtohet me Kurtin se ekonomia duhet të bazohet vetëm te bizneset e vogla dhe të mesme. Ahmeti thotë se për zhvillim ekonomik duhet të ketë edhe biznese të mëdha.

Në pjesën e intervistës të shpërndarë nga VV, nuk figuron as pjesa ku Ahmeti nuk pajtohet me Kurtin rreth cilësisë së qumshtit Vita që është pronë e Devollëve.

Kurti në fjalimin e tij, ka deklaruar se qumshti Vita përbëhet nga qumshti pluru dhe jo nga ai i fermerëve. Ndërsa, Ahmeti në intervistë thotë se qumshti Vita i cili u servohet edhe fëmijëve të shkollave të Prishtinës, është më i miri, ngase sipas tij është qumsht vendor. /gazetametro.net

SHIKO MË SHUMË

Kërkesë publike për Arben Vitinë, mes lotësh flet asamblistja e VV-së sqaron pse e bëri kërkesën

Asamblistja e VV-së në Rahovec, Vlora Vuqiterna mes emocionesh, ka rrëfyer arsyet që e...

Këto janë zonat që do të mbesin pa energji elektrike sot

Kompania për Distribuimin e Energjisë Elektrike në Kosovë (KEDS) ka njoftuar se të hënën,...

E pa nga afër performancën skandaloze kundër Kosovës, Dibrani: Turp!

Edlira Dibrani, Ambasadore e Rinisë Evropiane për Kosovën nga platforma WeBalkans, e cila ka...