Kjo falë dyshes shqiptare, Armando Sadikun e Ezgjan Alioskin, që po shkëlqejnë nën urdhëratë e Paolo Tramezzani, ish asistent i Gianni de Biasit te Kombëtarja shqiptare.

Ata po shkëlqejnë edhe jashtë fushës. Dyshja shqiptare janë shndërruar në lojtarët më të dashur nga ana e tifozëve.

Emrat e tyre nuk thërriten vetëm në koret mbështetëse të tifozëve ultras të Luganos, por tashmë ata të dy janë edhe pjesë e banderolave gjigante që shpalosin nëpër stadiume.

Në ndeshjen e fundit, Sadiku e Alioski shkëlqyen në fushë, por jo vetëm. Tifozët kishin stampuar festimin special të dy shqiptarëve.

“Tifozët, përveçse kanë mbështetur skuadrën nga fillimi në fund, kanë bërë edhe një banderolë shumë simpatike për dyshen e mrekullive Alioski – Sadiku”, ka shkruar faqja zyrtare e Luganos në lidhje me shqiptarët dhe mbështetjen që ata të dy po marrin edhe nga tifozët ultras. /Express/