Real Madridi ka siguruar kualifikimin në fazën e eliminimit direkt të Ligës së Kampionëve, pas fitores ndaj Liverpoolit (1-0) në ndeshjen e xhiros së katërt të Grupit B.

Mbretërit shënuan vetëm një gol në pjesën e parë. Pas një pasimi të Marcelos, Karim Benzema shënoi për Los Blancos (27’).

Kampioni në fuqi i garës më të madhe evropiane, ka arkëtuar rekord prej 12 pikësh pas katër ndeshjeve të para grupore dhe ka siguruar kualifikimin në të tetën e finales.

Në ndeshjen tjetër të Grupit B, Baseli ka regjistruar fitore prej 4-0 kundër PFC Ludogorets Razgrad.

Breel Embolo (34’) dhe Derlis Gonzalez (41’) shënuan në pjesën e parë.

Mesfushori shqiptar, Shkelzen Gashi, debutoi me gol në Ligën e Kampionëve (59’), kurse Marek Suchy shënoi golin e katërt të zviceranëve (65’).

Baseli ka arkëtuar gjashtë pikë nga katër ndeshjet e para dhe është në pozitë më të mirë se Liverpooli (tri pikë) për të shkuar tutje. /Telegrafi/