Menaxheri i Manchester United, Jose Mourinho ka thënë se mbrojtësit e ekipit të tij mund të jenë “shumë të mërzitur” me sulmin e tyre pas barazimit 1-1 me Anderlechtin.

United kaloi në avantazh me anë të Henrikh Mkhitaryan në ndeshjen e parë çerekfinale të Ligës së Evropës të enjten, por Leander Dendoncker barazoi në minutat e fundit për vendasit në Belgjikë.

Mourinho u largua i mërzitur nga dështimi i Unitedit për të siguruar një fitore dhe tha se sulmuesit e tij ishin për tu fajësuar në Stade Constant Vanden Stock.

“Por, unë mendoj se rezultati duhet të jetë shumë më mirë dhe ne vetëm mund të fajësojmë veten, sepse kemi pasur një lojë të lehtë për të luajtur në pjesën e dytë dhe nuk kemi luajtur në sulm me atë instinkt dhe kemi humbur topin lehtë shumë herë”, transmeton Telegrafi.

“Ne ndalem kundërsulmet tona për shkak të vendimeve të disa vendimeve dhe pastaj u dhamë atyre mundësinë që të kenë kundërsulme”.