Këtë mesazh e dha Kurti pas takimit me zyrtarë të partive shqiptare në Maqedoni

PUBLIKUAR

Ish-kryetari i Lëvizjes Vetëvendosjes, Albin Kurti ka thënë për gazetën Koha se takimi i sotëm me përfaqësues të partive politike shqiptare ka qenë joformal dhe i kërkuar pikërisht nga ai dhe nënkryetari i Vetëvendosjes, Glauk Konjufca.

“U takuam sot me të gjithë përfaqësues të partive politike për të mësuar se çfarë po ndodhë dhe cili është pozicioni i partive shqiptare lidhur me kryetarin e Parlamentit dhe formimin e Qeverisë në Maqedoni”, ka thënë Kurti, pas takimit me kreun e LR-PDSH-së, Ziadin Sela.

Në ndërkohë, Konjufca ka kërkuar formimin sa më të shpejtë të Qeverisë dhe emërimin e kryetarit shqiptar të Parlamentit të Maqedonisë.

“Ky takim ishte me kërkesë tonën që të mësojmë drejtpërdrejt nga përfaqësuesit e partive shqiptare se çfarë po ndodhë me situatën politike në Maqedoni. Informacionet janë se zgjidhja do të ishte formimi i shpejtë i kryetarit të Parlamentit e më pas, të formohet Qeveria e re, gjegjësisht të respektohet vullneti i shumicës së krijuar parlamentare me mbështetjen e partive shqiptare. Këtë e kërkuam dhe ne”, është shprehur për Koha, Konjufca.

Ndryshe, dy krerët e lartë të Vetëvendosjes realizuan takim me nënkryetarin dhe sekretarin e përgjithshëm të Lëvizjes BESA, Zeqirja Ibrahimi dhe Afrim Gashi, me Ziadin Selën e LR-PDSH-së, dhe Talat Xhaferin e BDI-së.

SHIKO MË SHUMË

Kërkesë publike për Arben Vitinë, mes lotësh flet asamblistja e VV-së sqaron pse e bëri kërkesën

Asamblistja e VV-së në Rahovec, Vlora Vuqiterna mes emocionesh, ka rrëfyer arsyet që e...

Këto janë zonat që do të mbesin pa energji elektrike sot

Kompania për Distribuimin e Energjisë Elektrike në Kosovë (KEDS) ka njoftuar se të hënën,...

E pa nga afër performancën skandaloze kundër Kosovës, Dibrani: Turp!

Edlira Dibrani, Ambasadore e Rinisë Evropiane për Kosovën nga platforma WeBalkans, e cila ka...