Paradoksi universitar me Arben Hajrullahun

PUBLIKUAR

Kandidati për zgjedhjen profesor në Fakultetin Filozofik të Universitetit të Prishtinës “Hasan Prishtina”, Arben Hajrullahu, është rekomanduar nga kryetari dhe njëri anëtar i Komisionit Recensues për thirrjen e profesorit të rregullt në Departamentin e Shkencave Politike.

Mirëpo, Këshilli i këtij Fakulteti ka rekomanduar që të rishpallet konkursi për pozitën e tij, duke kërkuar nga Hajrullahu që t’i dëshmojë studimet Bachelor, me pretendimin që nuk i ka të kryera, shkruan sot “Zëri”.

Fakulteti Filozofik i Universitetit të Prishtinës (UP) ka sqaruar në një njoftim të tij se profesori Arben Hajrullahu nuk ka dorëzuar diplomë të studimeve Bachelor ose barasvlerën përkatëse të këtyre studimeve.

Ndonëse është ankuar për këtë në Rektorat, Hajrullahu ka thënë se ende zyrtarisht nuk ka marrë ndonjë përgjigje nga ana e këtij të fundit.

Ai kërkon nga Rektorati të mos aprovohet rekomandimi i Këshillit, pasi, sipas tij, kjo shënon shkelje ndaj tij dhe beson se në Senat do të evitohet ky gabim i bërë nga Këshilli i Fakultetit.

Hajrullahu mohon të mos ketë dhënë dëshmi të mjaftueshme për studimet themelore.

Ndërkaq, në faqen zyrtare të Fakultetit Filozofik është publikuar sqarimi për opinionin, në të cilin thuhet se Arben Hajrullahu (i doktoruar dhe i magjistruar në Universitetin e Vjenës) nuk ka dorëzuar diplomë të studimeve bachelor ose barasvlerën përkatëse të këtyre studimeve.

Por bëhet e ditur se Hajrullahu ka dorëzuar më vonë pas mbylljes së konkursit një sqarim për sistemin e atëhershëm të studimeve në Austri, i cili siç thuhet në këtë sqarim nuk është i aplikueshëm sepse kandidati nuk ka sjellë në Fakultetin Filozofik dokumente që mbështesin kryerjen e studimeve themelore brenda kohës së paraparë të aplikimit, e cila gjë kërkohet ligjërisht specifikisht me konkurs. /Zëri/

SHIKO MË SHUMË

Kërkesë publike për Arben Vitinë, mes lotësh flet asamblistja e VV-së sqaron pse e bëri kërkesën

Asamblistja e VV-së në Rahovec, Vlora Vuqiterna mes emocionesh, ka rrëfyer arsyet që e...

Këto janë zonat që do të mbesin pa energji elektrike sot

Kompania për Distribuimin e Energjisë Elektrike në Kosovë (KEDS) ka njoftuar se të hënën,...

E pa nga afër performancën skandaloze kundër Kosovës, Dibrani: Turp!

Edlira Dibrani, Ambasadore e Rinisë Evropiane për Kosovën nga platforma WeBalkans, e cila ka...