“Buxheti mjafton për pensionistët, por nuk është shpërndarë mirë”

PUBLIKUAR

Deputetja nga radhët e Vetëvendosjes, Shqipe Pantina, është shprehur mjaft e pakënaqur në lidhje me ligjin për pensionistët, duke theksuar që janë duke u shkelur të drejtat e tyre.

Sipas Pantinës, buxheti aktual i Kosovës, po të kishte një shpërndarje më të mirë, do të mjaftonte për të ofruar një shumë të dinjitetshme për pensionistët.

“Z.Foniqi përfaqëson më së miri ose shpërfaq mënyrën se si pushteti po i trajton ata që e ndërtuan shtetin. Mos të harrojmë që themelet e këtij shteti nuk janë vendosur nga lufta dhe pas luftës, por ishin edhe gjenerata e z.Foniqi, qoftë gazetarët, arsimtarët etj. Këta nuk po kërkojnë lëmoshe mirëpo të drejtën e tyre”

“Në qoftë se ndërpriten pagat e dyta për shumë zyrtarë, që mbajnë nga dy tre poste, qoftë në borde apo diku tjetër, do të kishte mjaft buxhet për të kompensuar kontributin për pensionistët. Buxheti është i kufizuar mirëpo nuk është i shpërndarë mirë, p.sh. në qoftë se kemi 2 km më pak autostradë brenda vitit, buxheti do të mjaftonte për një jetë të dinjitetshme për pensionistët” ka thënë Shqipe Pantina në një intervistë në Info Magazine të Klan Kosovës.

Tutje Pantina ka adresuar kritika ndaj qeverisë edhe në lidhje me kthimin e fondeve nga Serbia, çështje e cila sipas saj duhet të diskutohet në Bruksel.

“Opozita ka kritika ndaj qeverisë aktuale që nuk ka bërë sa duhet për këtë kategori. Përveç kësaj kjo qeveri duhet të adresonte çështjen e kthimit të fondeve, që përveç kontributit 15 vjeçar, kjo gjeneratë të merr edhe kontributin për vitet tjera. Kjo çështje duhet të diskutohet në Bruksel” deklaroi Pantina.

SHIKO MË SHUMË

Kërkesë publike për Arben Vitinë, mes lotësh flet asamblistja e VV-së sqaron pse e bëri kërkesën

Asamblistja e VV-së në Rahovec, Vlora Vuqiterna mes emocionesh, ka rrëfyer arsyet që e...

Këto janë zonat që do të mbesin pa energji elektrike sot

Kompania për Distribuimin e Energjisë Elektrike në Kosovë (KEDS) ka njoftuar se të hënën,...

E pa nga afër performancën skandaloze kundër Kosovës, Dibrani: Turp!

Edlira Dibrani, Ambasadore e Rinisë Evropiane për Kosovën nga platforma WeBalkans, e cila ka...