Kryetari i Komunës së Ferizajt dhe anëtari i Këshillit Drejtues të LDK-së, Muharrem Svarqa ka thënë se është e drejtë e çdo partie politike që të kërkojë rrëzimin e qeverisë.
Këtë ai e ka thënë duke komentuar iniciativën e Nisma për një mocion të mosbesimit për Qeverinë aktuale, njofton Klan Kosova.
“Po të kishte qenë në dorën e tyre kjo Qeveri as që do të formohej. Konsideroj se nuk është e mjaftueshme dëshira për ta rrëzuar Qeverinë që ka rezultate të jashtëzakonshme në punën e saj”, ka thënë Svarqa në “Ora e Fundit”.
“Kjo qeveri ka bërë menaxhim perfekt të parasë publike dhe objektivave zhvillimore që tregojnë rritje të zhvillimit ekonomik – më e madhja në rajon”, ka shtuar ai.
Svarqa ka thënë se rezultatet e Qeverisë Mustafa do të duhej t’i pranonte edhe opozita kosovare.
“Ne njihemi për rrënimin e vetvetes, por një Qeveri që funksionon duhet të mbështetet”.
Por që ai pranon se në vend ka nisur një fushatë zgjedhore.


