Barcelona dhe Real Madrid nuk janë rivalë vetëm në fushën e futbollit. Dy klubet e mëdha spanjolle janë duke zhvilluar një “luftë” kohët e fundit edhe në rrjetet sociale, përkatësisht në Facebook.
Faqja zyrtare e Barcelonës në Facebook, që ka më shumë se 99 milionë pëlqime, duket se është duke u shtyrë me atë të Real Madridit, që gjithashtu ka më shumë se 99 milionë pëlqime, se cila do të arrijë 100 milionëshin e para.
Dhe për të ndihmuar në arritjen e 100 milionëshit, këto dy faqe po përdorin faqet më aktive të lojtarëve të tyre, shkruan Express.
Faqja e Neymar, që ka rreth 60 milionë pëlqime, është duke i shpërndarë postimet e faqes së Barcelonës, në mënyrë që të rritet aktiviteti i faqes dhe pëlqimet.
Të njëjtën gjë është duke e bërë edhe faqja e Ronaldos (që ka më shumë se 120 milionë pëlqime), e cila po shpërndan fotografitë e faqes zyrtare të Real Madridit në Facebook.
Në fotografitë e shfaqura më poshtë, mund ta shihni “luftën” e Barcelonës dhe Real Madridit, për të arritur 100 milionëshin.
