Kundërthëniet e Kryetarit të Prishtinës, Shpend Ahmeti, për qëndrimin e tij në jahtin e Devollëve në Budvë, dikush është përkujdesur që t’ia grumbulloi edhe në një video
Madje, përveç që ia kanë bërë bashkë deklaratat kryetarit Ahmeti, në këtë video i kanë përfshirë edhe qejfet që ish-pronari i jahtit, multimilioneri Qazim Osmani, i kishte bërë në atë hapësirë me yjet e estradës serbe dhe malazeze, transmeton Gazeta Metro.
“Urime Dita e Rrenave Shpend Jahtmeti!”, shkruan mbi këtë video të postuar në faqen Blitz. Para se t’u shitej Devollëve, më herët jahti “Megalodon” ishte e multimilionerit kontraverz Qazim Osmani, i cili thuhet se e ka blerë edhe vilen e Millosheviqit në Serbi.
Fillimisht, Kryetari i Prishtinës ishte munduar që t’i shmanget së vërtetës rreth prezencës së tij në jahtin e Devollëve, pasi që Lëvizja Vetëvendosje më herët i kishte quajtur edhe vëllazëri kriminale, por pas reagimeve të shumta të publikut, Ahmeti ishte detyruar ta pranoj këtë gjë, duke u munduar ta relativizojë.


