Mbrojtësi shqiptar, Adonis Ajeti, i është bashkuar gjatë ditës së sotme skuadrës zvicerane, St.Gallen, aty ku luan edhe vëllai i tij binjakë, Albian Ajeti, transmeton Gazeta Express.

Përmes rrjeteve sociale, Albiani i uroi mirëseardhje Adonisit.

“Binjakë përgjithmonë. Mirë se vjen vëlla në familjen St.Gallen qe nga sot do jemi bashkëlojtar”, ka shkruar Albiani në rrjetet sociale.

Kujtojmë se Albiani luan në rolin e sulmuesit, derisa Adonisi është qendërmbrojtës.

Adonisi ka nënshkruar kontratë me St.Gallenin deri në vitin 2021. /Express/